Jari dong tendes lancar, ma inga ko jaga badan

Foto: https://www.storyblocks.com

Baca ais di internet ni, beta rasa ke bulu badan badiri é. Sakarang ni kalo katóng pake Facebook sonde hati-hati te, sonde lama lai katóng pi sese diri di bui ko nasib son jadi doi. Yang pasti, katóng sonde bisa kasi sala ini barang. Di mana-mana sa, alat teknologi sonde sala--katóng manusia sa yang sonde jaga jari dong yang tendes kasi masok ini kata dong. Andia, kalo mau tulis, na pikir bae-bae dolu. Nanti repot kalo sonde kontrol emosi ko taro-taro sa. Ini yang orang biasa bilang, "Jari dong tendes lancar, ma inga ko jaga badan." (Yohanes Manhitu, Yogyakarta, 3 November 2014)