Sunday, July 18, 2010

Televizaun

Hosi: Yohanes Manhitu

Iha kaixa ida nia oin ema tuur
hodi haree no rona buat oioin
be barak liu mosu iha fatin dook,
maibé mai to’o sira-nia uma laran.

Moris ida parese hala’o iha kaixa,
ne’ebé sai lalenok ba moris loos.
Só ema matenek de’it sei bele hili
buat di’ak be mosu hela iha tela.

Neineik maibé sertu televizaun mós
sai relijiaun foun be ema hako’ak.
Se ita hateke nafatin ba kaixa ne’e,
nia sei foti tabernákulu nia fatin.

Kefa-Timor, fulan-Janeiru 2010
----------------------------


Televisi


Di hadapan sebuah kotak orang duduk

‘tuk menonton dan menyimak berbagai hal

yang kebanyakan terjadi di tempat nan jauh,

namun menjangkau mereka di dalam rumah.


Sebuah kehidupan rupanya berlangsung di kotak

yang mencerminkan kehidupan sebenarnya.

Hanya orang bijak ‘kan sanggup memilih

hal baik yang sedang muncul di layar.


Perlahan namun pasti televisi pun

menjadi agama baru yang dipeluk.

Bila kita tiada henti menatap kotak ini,

ia ‘kan menggantikan posisi tabernakel.



Lalehan dehan saida

Hosi: Yohanes Manhitu

Dala barak ona ha’u hakne’ak

no hateke loos ba lalehan

hodi rona lalehan dehan saida

molok atu hahú hakat dahuluk.


Maibé hanesan ema dere odamatan,

ha'u hein ho pasiénsia atu uma-na’in

hatán ha’u no loke ninia odamatan.

Ha’u hein, lalehan dehan saida?


Dala ida ha’u hetan lia-hatán

ne'ebé moos nu’udar matadalan,

ha’u sei hahú ha’u-nia hakat dahuluk.

Nune’e ha’u hatene lalehan dehan saida.


Lalehan nakloke nafatin ba ema hotu-hotu,

lalehan la naktaka ba hahusuk hotu-hotu.

Se hakarak hatene lalehan dehan saida,

ita-nia laran no neon tenke sai antena.


Kefa-Timor, fulan-Janeiru 2010

----------------------------------------

Apa kata surga


Telah banyak kali kubertelut

dan menengadah lurus ke langit

untuk menyimak apa kata surga

sebelum kutempuh langkah pertama.


Tetapi seperti orang mengetuk pintu,

kunantikan dengan sabar agar tuan rumah

menjawab aku dan membuka pintunya.

Kutunggu, apa kata surga?


Sekali kudapatkan jawaban

yang jelas sebagai pedoman,

aku ‘kan mengawali langkah pertama.

Dengan demikian kutahu apa kata surga.


Surga terbuka bagi setiap insan,

surga tak tertutup ‘tuk segala permohonan.

Bilamana berhasrat tahu apa kata surga,

hati dan pikiran kita harus jadi antena.