Sira ne’ebé moris iha estrada

Hosi: Yohanes Manhitu

Lalehan luan maka ami-nia uma-kakuluk loos,
Rai maran hori kleur sai ami-nia toba-fatin.
Estrada maka ami-nia uma didin-laek.
Loromatan no fulan, ne’e belun di’ak.

Isin furak no morin, ami buka maibé la hetan.
Hahán di’ak no midar sei do’ok hosi kabun.
Se destinu fó, ami sei han ho hamnasa.
La hatene bainhira sei husik estrada.

Moris nia sentidu, karik filózofu nia asuntu.
Bele han no hemu dadeer ida to’o ona.
Hetan bee hodi hariis, obrigadu ona.
Maibé susar ami seidauk fase hotu.

Yogyakarta, 23 fulan-Jullu 2007