Saturday, August 11, 2007

Poezia bolu ha’u nafatin

Hosi: Yohanes Manhitu

Dala barak ha’u sente kole no fraku tebetebes
hodi hatán poezia nia lian be mosu barak
hanesan laloran maka’as bakudór sira
be forsa ha’u hodi fui liafuan ida-idak.

Dala ruma poezia mosu mai hosi mehi furak,
hosi udan nia lian be halo tarutu lahalimar,
hosi feto furak ida be la’o kaer sombrelu,
hosi mota naruk ida be nakonu ho lixu.

Dala ida ha’u la tau matan ba furak ruma,
poezia lalais ukun ha’u-nia matan rua
hodi lalais fihir, sente no hanoin fali.
Liña foun sira sei moris ba mundu.

Yogyakarta, 16 fulan-Jullu 2007

No comments: