Saturday, April 28, 2007

'Tolfatu Babel -- Menara Babel -- Tower of Babel (Genesis 11: 1-9) in Dawan (Uab Meto)


'Tolfatu Babel 
(Genesis 11: 1-9)
  1. Ma nbi pah-pinan nobamesen, ala uab mesê ma tekas mesê es mapakê.
  2. Es onnane sin natbokan neu neonsaet ma nít naijamnesat a-nbi pah Sinear, ma sin natuan nabala nbi nae.
  3. Ma sin nak es neu es: “Aim he tmoê fatumtasâ ma tòt sin leko-leko.” Ma sin a-npaek fatumtasâ nane on fatu ma haulitê on naijamakâliät.
  4. Oke-msâ sin nak: “Aim he tahakeb tan kota-es nok ‘tolfatu mesê lê namnaun ma in tunan a-ntea neno-tunan; ma aim he tânaeb hit kanak, henait hit kaisâ tauf-tasán'ok teu pah-pinan ok-okê.”
  5. Oke-te Uisneno nsaun he nkios kota ma ‘tolfatu lê liänmansianin nahakeb,
  6. ma In nakua aän nak: “Sin ok-okê tokaüf mesê ma namolok uab mesê. Sin mepu i fê naübon; nmulai nâko oras i sâ-sâ lê a-njail sin salit, lof natisbon natuin sin lomit.
  7. Neu aim he tsaun he tasulib sin uab, henait sin ka nahín fa es-es in molok.”
  8. Es onnane, Uisneno nbait-nasanâ sin nâko bale nane neu pah-pinan nfunamnatéf, ma sin ka nahakeb nan fa kota nane.
  9. Fun onnane talantea munî i, kota nane matekâ nak Babel, fun a-nbi bale nane Uisneno nasulib uab pah-pinan ok-okê ma nâko nane msâ Uisneno nbait-nasanâ sin neu pah-pinan nfunamnatéf. Matlakab nâko Yohanes Manhitu, natuin versi
-------------------------------------
*) This is my translation into the Dawan language based on the Indonesian and English sources, using the "new spelling-system" that I have developed.ab Indonesi ma Inglés (Diterjemahkan oleh Yohanes Manhitu menurut versi bahasa Indonesia dan Inggris). Terjemahan ini bersifat tidak resmi; hanya dimaksudkan sebagai bahan pengenalan bahasa Dawan (Uab Meto) dan perbandingan bahasa.

No comments: