Monday, August 31, 2015

Ohin loron ita-nian


Retratu: http://www.getanswer.org

Hosi: Yohanes Manhitu

Loron tuan troka ho loron foun.
Dala ruma ita ladún hatene
katak ita la'o dook tiha ona,
husik hela loron ne'ebé ita tanis,
husik hela oras ne'ebé ita hamnasa
iha ita-nia inan doben nia liman laran,
liman sira maka book ho domin furak.

Ohin loron, ita tenke semo mesamesak,
hanesan manu be tenke buka hahán rasik.
Maibé keta ta'uk, Maromak fó ksolok nafatin
tanbá Nia rasik haraik tiha ona Liafuan Lulik.

Oras ne'e mak ita-nia biban, ita-nia tempu,
tempu atu hatudu an ba mundu tomak;
tempu atu pinta i hafurak moris naruk.

Pugeran Timur-Yogyakarta, Maiu 2005

No comments: