Saturday, August 11, 2007

Isin rua bele de’it sadere malu

Hosi: Yohanes Manhitu

Ohin loron moris sai kamaan tanba teknólojia ruma
be halo ema lubun sira sente besik maski dook.
Maibé iha tempu hanesan, sente dook malu
tanba tuur besik neon semo ba fatin seluk.

Ha’u la hatene mehi oinsá maka buras daudaun,
be dada ita dook hosi realidade moris nian.
Se du’ut moris la soi abut naruk iha rai,
keta hakfodak sei anin mai lori halai.

Ema dehan, atubele hetan, ita tenke lakon.
Ne’e lei maka ukun, maibé todan hala’o.
Isin rua bele de’it sadere loos ba malu,
maibé laran bá parte seluk, sé hatene?


Yogyakarta, 17 fulan-Jullu 2007

No comments: